Galeaster bertrandi Seunes, 1889

Karasatorre, Jose Kruz Arbilla & Forner, Enric, 2023, Galeaster bertrandi Seunes, 1889 (Echinoidea) espeziearen lehen aipamena Nafarroan, Nemus 13, pp. 136-147 : 139

Galeaster bertrandi Seunes, 1889

2-5 irudiak

1889 Galeaster bertrandi Seunes : 822, pl. 27, 2a-e, 3a-c irudiak.

1966 Galeaster bertrandi Seunes ; Wagner & Durham: U530, 416,7 irudiak.

1979 Galeaster cf. bertrandi Seunes ; Gongadze: 107, pl. 25, 2 irudia.

1997 Galeaster bertrandi Seunes ; Jeffery: 693, pl. 7, 1-8 irudiak, text. 14f-g, 15 irudiak.

1998 Galeaster bertrandi Seunes ; Jeffery: 38; pl. 1. 1-4 irudiak; 3.3 irudiak.

1999 Galeaster bertrandi Seunes ; Smith et al.: 118, pl. 4. 14-18 irudiak, text-ird. 28.

2000 Galeaster bertrandi Seunes ; Smith & Jeffery: 265. Tex-ird. 112, A-E.

2001 Galeaster cf. bertrandi Seunes ; Symeonidis et al.: 525.

2005 Galeaster bertrandi Seunes ; López & Sillero: 89. 52 irudia.

Holotipoa: MNHN.F.J06063 Muséum national d’Histoire naturelle, Collection de Paléontologie (Paris, Frantzia).

Herri tipoa: holotipoa Frantziako Gant udalerritik dator. Seunes-ek (1889) Frantziako Pirinio Atlantikoetako Bidarte, Labastide-Villefranche eta Arros udalerriak ere aipatzen zituen.

Hedapen estratigrafikoa: Maastrichtiarra-Daniarra. Jatorrizko lanean espeziea Paleozenoan kokatzen zen (Garumniarra, Seunes, 1889); Jeffery (1998) autorearentzat behe Daniarrean kokatzen zen, nahiz eta Smith et al. (1999) autoreek jatorrizko materiala Maastrichtiarrekoa izateko aukera ez zuten baztertzen. Gongadze-k (1979), espezie mailako zalantzekin, Georgiako goi Daniarrean kokatzen du. Smith et al.-ek (1999) Santanderreko (Kantabria) Mayor lurmuturreko Maastrichtiarrean egiten dute aipamena. Symeonidis et al. (2001) autoreek Greziako Campaniarrean-Maastrichtiarrean deskribatu zuten. Lopez & Sillero (2005) autoreek Petrer (el Vinalopó Mitjà) herriko Daniarreko ale txiki bat idurikatu zuten.

Hedapen geografikoa: Frantziako Pirinio Atlantikoak (Gant, Bidarte, Labastide-Villefranche, Arros), Nafarroa (Txulapain udalerria), Kantabria (Santander), País Valencià (Perter), Grezia eta Kaukaso ( Georgia)

Etimologia: Seunes-en (1889) jatorrizko lanaren deskribapenean ez da aipatzen nori eskaini zion espeziea, Bertrand abizeneko persona izan zitekeena. Baliteke Léon Louis Théophile Bertrand (1869-1947) geologoa izatea, lan askoren egilea eta geologia irakaslea. Baina halakoan 20 urte besterik ez zituen izango.

Generoaren diagnosia: (Jeffery-rengandik (1998) hartua, zuzendua). Oskol globularra eta altua, aho gainazalean, bere 5. anbulakroan, karela batekin. Bihotz formako ingerada. Aurre aldeko anbulakroa, anbitotik hurbil, sakontzen hasten dena peristomaraino, bere aurreko aldea eskotatuz. Anbulakro guztiak ez-petalodun, eta poroak txiki eta borobilak ditu. Anbulakro bikoitien plakak altuak, anbulakro IIIarenak baxuak eta zabalak. Plastroi ostorternoa edo labroarekiko disjuntua. Sistema apikala luzexka, holasteroide erakoa, lau gonopororekin. 2. eta 3. plaka genitalak bat eginak edo ez. Atze aldeko plaka okularrak askotan sistema apikalerekiko disjuntuak (Ir. 2 eta 3).