Viverra memphitis [ spec. nov.]

V. cauda fusca luteo annulata, corpore spadiceo subtus flavescente.

Ysquiepatl. Hern. mex. 332. Seb. mus. 1. p. 68. t. 42. f. 1. Raj. quadr. 181.

Habitat in America.

Magnitudo Martis. Color supra albus, subtus ex albo & nigro variegatus. Pedes talis incedentes. Ungues 5-5: anteriores compressi, longi; posteriores breviores, subtus excavati. Dentes Primores superiores in meo nulli; Primores inferiores 6, aequales, quorum 2 interiores; Laniarii supra & infra utrinque approximati.

Irritata fundit cum ventris crepitu halitum foetidissimum, ut nihil cum eo comparari queat.