Homo sapiens subsp. monstrosus [ subspec. nov.]

solo (a) arte (b, c).

Alpini parvi, agiles, timidi.

Patagonici magni, segnes.

Monorchides ut minus fertiles: Hottentotti.

Junceae puellae abdomine attenuato: Europaeae.

Macrocephali capite conico: Chinenses.

Plagiocephali capite antice compresso: Canadenses.

Habitat inter Tropicos sponte gratisque; per reliquam Telluris totam continentem coacte.

Corpus erectum, nudum, Pilis raris remotissimis adspersum, subsexpedale.

Caput obovatum: Pileus pilosus: Sincipite obtuso, Vertice obtusissimo, Occipite gibboso.

Facies nuda: Frons planiuscula, quadrata, Temporibus compressa, angulis sinu intra Pileum adscendens. Supercilia prominula pilis extrorsum imbricatis, interstincta. Glabella planiuscula. Palpebra superior mobilis, inferior quieta; utraque Ciliis exstantibus subrecutvatis pectinata. Oculi rotundi: Pupilla orbiculata. Genae gibbae, molliusculae, coloratae. Malae compressiusculae, uti Buccae laxiores. Nasus prominens, labio brevior, compressus, apice altior gibbosiorque: Naribus ovalibus, intus hirtis, margine crassiusculo. Labium superius subperpendiculare, Lacuna exaratum; Labium inferius erectiusculum, magis gibbum. Mentum prominens, obtusum, gibbosum. Aures laterales: Auriculae rotundatolunatae, appressiusculae, nudae, supra margine fornicatae; infra gibbosae, molles.

Theologice: Te ultimum finem creationis;

In Telluris globum, omnipotentis magisterium, introductum; ratione sapiente, secundum sensus concludente, mundi contemplatorem; ut ex opere agnosceres Creatorem omnipotentem, omniscium, immensum & sempiternum DEum.

(Catera revelata a Theologis explicanda.)

Duo namque sunt quae in cognitionem DEi ducunt, Creatio & Scriptura.

Augustinus.

DEUS itaque Natura cognoscendus, dein Doctrina recognoscendus.

Tertullian.

Homo solus DEum contemplatur, Naturae & Revelationis eundem Auctorem:

quem te DEus esse

jussit, & humana qua parte locatus es in re, disce, Pers. III: 71.

TRUNCUS constans Collo, Thorace, Dorso, Abdomine

Collum teretiusculum, capite brevius; Cervicis Nucha concava; Gula supra concava, medio subtus gibba.

Thorax antice posticeque depressiusculus. Pectus planiusculum, Jugulo excavato, Axillis concavis barbatis, Scrobiculo planiore. Mammae duae, pectorales, distantes, gibbae, rotundatae: Papilla cylindrica, obtusa, rugosa.

Dorsum Tergo planiusculo, Humeris exstantibus, Interscapulio depresso.

Abdomen gibbum, laxum: Umbilico excavato, Epigastrio planiore, Hypogastrio gibbosiore, Hypochondriis rotundatis, Inguinibus planiusculo-concavis. Pubis regio barbata. Genitalia exserta: Pene cylindrico, Scroto subrotundo, rugoso cute laxa, sutura longitudinali per Perinaeum excurrente; s. Vulva gibba, compressiuscula. Anus retractus.

ARTUS ex Manibus loco pedum anteriorum & Pedibus posterioribus.

Manuum Armi divaricati, crassiusculi, teretes, longitudine pedum. Cubitus obtuso-prominulus. Lacertae crassitie armorum, teretes, introtsum planiores. Palmae rotundatae, dilatatae, planae, extus convexae; Vola concava; Digiti V: Pollex remotus, brevior, crassior. Digiti 2, 3, 4, 5 approximati, horum 5 minor reliquis, dein 2, 4, sed 3 paulo longior. Ungues omnibus rotundati, plano-convexi, lunula pallida.

Pedum Femora approximata, Lumbis musculosis, Natibus gibbis, carnosis, Genubus antrorsum versis, obtusissimis, subtus concavis. Crura longitudine femorum, postice musculoso-ventricosa, inferne angustiora, antice macra. Calcanei Tal{?X}s insistentes, prominuli, gibbi: Malleolis lateralibus, utrinque oppositis, hemisphaericis, durinsculis. Plantae oblongae, supra convexiusculae, subtus planae, transverse concavae. Digiti V: omnes incurvi, subtus gibbi, approximati. Pollex crassior, brevior; 2, 3 subaequales, 4, 5 decrescentes; ultimo minimo. Ungues ut in Manibus omnes.

Differt itaque a reliquis Corpore erecto nudo, at piloso Capite, Superciliis, Ciliisque, tandem Pube, Axillis, Maribusque Mento. Feminis Nymphae & Clitoris; Mammae 2 pectorales. Caput Cerebro omnium maximo; Uvula; Facies abdomini parallela, nuda; Naso prominente, compresso breviore; Mento prominente. Cauda nulla. Pedes Talis incedentes.