Phaethon aethereus [ spec. nov.]

PH. rectricibus duabus longissimis, rostro serrato, digito postico adnato.

Avis tropicorum. Catesb. car. 3. p. 14. t. 14. Raj. av. 123. Will. orn. 250. t. 76. Edw. av. 149. t. 149. f. 1. Sloan. jam. 1. p. 22. Kalm. iter. 2. p. 149. Osb. iter. 291.

Avis Rabos forcados. Aldr. orn. l. 20. p. 544.

Habitat in Pelago inter tropicos. Osbeck.

Magnitudo Anatis, alba supra lineis nigricantibus undulata tota; subtus immaculata. Fascia nigra per oculos. Rostrum sangvineum, compressum, rectius quam P. Piscatoris, retrorsum serratum. Pedes pallidi, extrorsum nigri, digito quarto etiam membrana affixo. Remiges omnes subtus albae: primores supra latere exteriore nigrae; secundariae supra linea longitudinali nigra. Rectrices albae in cauda cuneiformi, versus apicem lineola subsagittata fusca; omnes supra rachi nivea.